Hayaan Mo

Habang ang mundo’y nahihimbing

Di na kita gigisingin

Pagka’t luha ay aanhin

Umaga’y pangitiin

 

Isang dipa ang bitbit

Buong buhay nakasabit

Hahawakang mahigpit

Larawan mo  aking kapit

 

Kung ang paglaya mong minimithi

Sa paglisan ko makakamit

Hayaan mo

Liparin ko ang langit

 

Sa bawat hakbang palayo

Humihikbi ang langit

Pangarap mo’y aabutin

Lahat ay aking kakayanin

 

Sa pagsapit ng gabi

Sa mga tala sumisilip

Hahaplusin ang iyong pisngi

Kahit sa panaginip

 

***

Isang orihinal na komposisyon. Pakinggan dito

Free from Sugar

Pinakanagustuhan ko sa dating bandang Sugarfree ay yung mga simpleng lyrics nila pero tagos sa puso nung nakikinig.

Itong dalawang kanta nila ay akma sa panahon.  Sabi ko hindi na’ko magdadrama eh pero heto na naman ako. 😀

Anyway, itong kantang Tulog Na ay parang lullaby talaga sa’kin lalo pa pag pinapanood ko yung video na mga nakapajama pa sila. Pag pinapakinggan ko ‘to kahit na noon pag pinapatugtog to sa mga patok na jeep na sinasakyan ko nung college pag pauwi na’ko galing Cubao, para ba akong narerelaks at hinehele ng lyrics at para bang nawawala ang aking mga alalahanin, assignment man ito o pamasahe 😀  Pag pinapakinggan ko ito, para bang somewhere, sa kalawakan may nakatingin sa’kin at nagbabantay at nagsasabing wag ka mag-alala, andito lang ako.

Tulog na mahal ko
Nandito lang akong bahala sa iyo
Sige na, tulog na muna
Tulog na mahal ko
At baka bukas ngingiti ka sa wakas
At sabay natin haharapin ang mundo

video: polyeastrecords

 

Eto namang Cuida, ansarap kantahin para sa mga mahal  sa buhay. Yung habang tinitingnan ko sila naiisip ko na gusto ko silang protektahan laban sa masasamang elemento ng kalawakan, gusto ko lang silang maging masaya at akuin lahat ng problema nila. In short, gusto  kong maging bayani. Oo, minsan feeling ko ako si Darna, kahit hindi ako kasing seksi ni Darna 😀

 

Kung pag-aari ko lang ang lumbay
Itatago ko siya habang buhay
Wala nang inggit, wala nang galit
Paliligayahin kita bawat saglit

Kung akin lang ang mundo
Ibibigay ko siya sa iyo

 

video: luhonzapiel

 

Yun lungs. Good vibes 😀

Nagsasawa Ka Na Ba?

Minsan iniisip ko pa din, pano kaya kung naging DJ nga talaga ako? Kung naging DJ na lang ako at hindi naging isang hindi dakilang OFW? Kung sinunod ko ang sigaw ng puso ko kesa sigaw ng pangangailangan namin?

Maghapon lang siguro akong nagpaplay ng magagandang kanta, tinatawagan ng mga listeners para magrequest ng kanta. Nagkukwento tungkol sa mga musikero at mga kanta.

Kung naging DJ kaya ako Aysabaw pa din kaya ang pangalan ko? Baka hindi. Baka mas seksi o mas maangas na pangalan ang pipiliin ko. Baka Alex dahil yun ang palayaw ko nung highschool. Yun ang tawag sakin ng barkada eh, barkadang 8 pieces lang naman. Mas maangas yung Alex kesa sa Aysabaw.

Ano kaya? Ano kaya? Ano kaya?

Ewan ko. Ewan ko. Ewan ko.

Rubbish post.

Heto na nga lang ang kanta ni Eggboy ~ Nagsasawa Ka Na Ba

 

video: RA Rivera

Pamatay na Lyrics

May mga awiting hindi ko nakakalimutan dahil sa taglay nitong kakaibang liriko. Ang mga awiting ibabahagi ko  ay maaaring narinig niyo na, maaaring hindi pa pero ibabahagi ko pa rin. Minsan hindi ko na din naiintindihan kung para kanino o para saan yung kanta pero pinapakinggan ko pa rin dahil naaliw ako sa lyrics.

Pamatay na Lyrics #1

Para sa mga lalakeng ayaw panindigan ang mga pinaggagagawa

Pano na Yan by Sunflower Daycamp

Anong nangyari sa nabili kong pregnancy kit
Jan sa kahera sa my Mercury?

Negative Whooah
Negative Whooah
Nega-negative

Ang saya-saya ha! Ang saya-saya ko talaga haahh!
Talaga ah!!!

video: Jan Jaim

 

Pamatay na Lyrics #2

Hindi ko alam kung mahilig din bang maluto sila Jay Contreras kaya’t gumawa ng kanta para sa pagluto ng Turon o ito lang ang paborito nilang meryenda kapag nagjajamming

Turon by Kamikazee

Kumuha ng saba
Balatan mo ng maige
Hiwain sa gitna
Sa pamamagitan ng kutsilyo
Ipatong sa pambalot
Ilagay sa bandang dulo

Huwag kalimutan ang langka
Irolyo ng maayos
Hanggang sa kabilang dulo
Ikaw na ang bahala kung nakabukas o selyado

Pakuluin mo ang mantika
Sa naglalagablab/ malalaim na kawali
Isunod mo ang asukal
Hintayin itong matunaw
Kapag itoy nagyari
Ilusong na ang saging
Haluin dahan dahan
Hanggang itoy maging medyo brown
Iahon mo na (yeah!) nasusunog!

lyrics: lyricsmode

video : grecko abesamis

 

Pamatay na Lyrics # 3

Pamatay na video na rin. Di ko ma gets kung bakit gusto ng Tanya Markova na mukha silang espasol sa mga video nila pero trip nila yan kaya wala akong pakialam.

Linda Blair by Tanya Markova

Teacher, teacher ako si Linda Blair
And the ghosts are everywhere I can feel it in the air
I can feel it in the air

video : MCA Music, Inc

 

Pamatay na Lyrics # 4

Well, lahat naman ng kanta ng Radioactive Sago Project ay may pamatay na lyrics pero ito ang napupusuan ko for now.

Mr. Pogi in Space by Radioactive Sago Project

Alam mo Mr pogi ang galing2x mo talaga.
Dapat kang gawing pambansang bayani

Dapat kang maging MVP.
Best Actor,
Speaker of the House,
President of the Republic,
Leader of the free world

video : Juan Dela Cruz

 

YUN LUNGS!

 

*featured image: http://www.starmometer.com

To Be Near You

To Be Near You by Viktoria was released either in 2005 or 2006. This is one of those songs I’d like to listen to before I sleep or when I hold my coffee cup, lean on the window sill and look at  outer space on Sunday afternoons.

I was listening to this song yesterday and it just got stuck in my head, so…

I have always thought that this is a love song but lately I realized that this song might have been made for fangirls and stalkers because of these lines:

Am I truly hopeless
Am I being pathetic
Are you even aware of my existence

I thought I wanted to join Kat’s Music Mondays but my post is just too lame. So nevermind huhu.

Sleep Station

Kapag yung paborito mong maingay na banda ay gumawa ng piano version ng isa sa kanilang mga kanta, kung hindi Death by Kilig, Death by Emotions.

 

Sleep Station

by Chicosci

Will I forever see you
Only in dreams
Should I close my eyes just to see
You’re beautiful
And I can’t wait to sleep

We’re strangers and I’ve never lived
So deep inside my mind
I’ll be a fool for you
I’ll be such a fool for you

With every breath, I wish for you
For you to wake that’s all I hold onto
Maybe someday
So I close my eyes and pray

I dream of her
Full of life
I guess the meds have been doing her right
She’s so beautiful
And I can’t wait to sleep

But maybe I have something
That something
To finally make it go away
But who am I to say?
Who am I to stay?

With every breath, I wish for you
For you to wake that’s all I hold onto
Maybe someday
So I close my eyes and pray

With every breath, I wish for you
For you to wake that’s all I hold onto
Maybe someday
So I close my eyes and pray

I remember turning my head
I remember the angel of year’s end

 

lyrics: lyricsmode.com

Nagbalik ang Maryzark

May mga umaalis ngunit mayroon ding nagbabalik.

Ang Pinoy Music industry ay isang maalong paglalakbay para sa  mga musikero. Patibayan ng baga para manatiling nakalutang. Patibayan ng resistensya para di mapagod sa paglangoy.

Noong 2015, dalawang batikang banda ang namaalam, Urbandub at Kamikazee. Sa kaso nila na nagtagal sa industriya, malamang ay personal choice na nila ang paghihiwalay.

Pero maraming mga banda na lumutang pero mabilis na tinangay ng agos. Nagdala ng alon saglit sabay nanahimik.

Noong 2006 ay kasagsagan ng pagsusulputan ng mga banda. Napaka “healthy” daw ng Music Scene noon. Halos lahat ng music genre ay nakalusot na sa mainstream. Parang kabuteng nagsulputan ang mga banda. Yung iba nanatili, yung iba agad ding nawala.

Isa ang Maryzark sa mga bandang napanood at nakilala ko noon. Nakadaupang palad ko pa sila sa isang mall sa Maynila. Pero mula noong ako ay nangibang bansa ay wala na akong masyadong narinig pa tungkol sa kanila.

Maryzark

Pero bago matapos ang 2015 ay para silang nabuhay na mag-uli.

Malamang, marami sa inyo ang hindi nakarinig o hindi nakakakilala sa kanila lalo na kung hindi kayo nakikinig masyado ng alternative rock. Ilan sa kanilang mga awitin ang Kai, Hindi Na at Huli.

 

 

videos by erik jan ortega, manhidz85’s channel, m3waydrama

Noong wala pang facebook at twitter, ang means ng pag-uusap ng mga miyembro ng banda at ng kanilang fans ay yahoogroups (halata kung sino ang matanda?). At doon namin madalas makakulitan si Ice, ang bokalista ng Maryzark. Kami Sila daw yung mga Maryans.

Maalala man ako ni Ice o hindi, masaya ako at nagbalik na silang muli sa industriya. At sana magtagumpay sila sa pagrerelease ng bagong album na ginagawa nila. At sana rin minsa’y pa makadaupang palad ko sila.

Nairud sa Wabad!?

So, may bagong pinagkakaguluhan at paulit-ulit na lumalabas sa newsfeed kong video. Ito ay ang video ng bandang Nairud sa Wabad na may napakagandang rendisyon ng napakagandang kanta (to infinity and beyond) ng UDD na Tadhana.

So (ulit), nung pinindot ko na ang play button…eh may karapatan naman pala silang magpakalat-kalat sa newsfeed ko.

Tuwang tuwa ako sa banda nila dahil bukod sa ang ganda nga ng rendisyon nila ng Tadhana ay naaliw ako sa pangalan ng banda nila.

Tama ba ang hinala ko na ang Nairud sa Bawad ay binaliktad na Durian sa Dabaw (Davao)? Ang kulit lang.

At isa pang nakakatuwa ay napansin ko sa hulihan ng video na ito na nagsisisihan pa sila dahil ang taas ng kuha sa kanta. Ang kulit lang ulit.

Yun lang. Good vibes. Eto fb page ng Nairud sa Wabad kung trip niyong dalawin. At ang youtube video naman ay pagaari ng isang taong nagngangalang Gian Enrique.

Mabuhay ang OPM!