It’s A Mens World by Bebang Siy

Unang nagka-mens ang kapatid kong si Colay kesa sa akin. Ten years old siya noon at ako, magtutwelve. Sabi ng mga pinsan ko, nauna raw si Colay kasi mas mataba siya at mas aktibo sa paggalaw-galaw kesa sa akin.

Naging sentro ng atensiyon si Colay noong araw na reglahin siya. Lahat kami, nasa labas ng kubeta, naghihintay sa paglabas ng “bagong” dalaga. Pagbukas ng pinto, itong stepmother ko, biglang pumasok. Hinanap niya ang panty ni Colay sa loob ng kubeta. Gulat na gulat si Colay syempre.

Bakit? Tanong niya sa stepmother namin. Labhan mo. Tubig lang. ‘Wag kang gagammit ng sabon. Kusot-kusot lang. Tapos ipunas mo sa mukha mo ‘yang panty. Tapos sabihin mmo, sana maging singkinis ng perlas ang mukha ko. Ulit-ulitin mo. Habang ipinupunas mo sa mukha mo ang panty.

Continue reading “It’s A Mens World by Bebang Siy”

Ligo na ü. Lapit na me

Ang librong ito ay tungkol sa isang lalakeng nagmahal at nabigo sa unang pagkakataon.

Normal na istorya. Pero ang ganda ng pagkakakwento.

Habang binabasa mo ay para kang nakikipagkwentuhan sa isang tropang nabigo na naglilitanya habang hawak ang bote ng serbesa at Bakit Ba ng Siakol ang background music o kaya naman Victims of Love na kinakanta sa videoke ng lasing na kapitbahay.

Maangas ang pagkakawento. Tungkol sa pag-ibig pero hindi keso. May kaunting kainosentehan pero may kapilyuhan. Walang arte pero may kaunting landi at bahagyang harot. May halo ding kirot.

Sa unang tingin, akala ko ang librong ito’y may kabastusan dahil sa pamagat at pabalat, pero tama nga ang kasabihang Don’t Judge the Book By Its Cover.

Ang Autobiografia ng Ibang Lady Gaga

Ang Autobiografia ng Ibang Lady Gaga ay sinulat  ni Jack Alvarez, isang OFW na nakabase sa Saudi Arabia.

Kinuha ko ang librong ito sa NBS, randomly at akala ko, yung usual na makabagbag damdaming kasaysayan na naman ng mga OFW na overly-dramatic at kung anek anek pa ang mababasa ko. Pero mali ako.

Nagulat ako sa mga kwentong tumambad sa akin nung mabasa ko ang librong ito.

Ang sabi sa likuran ng libro ay confession daw ito ng may akda at kung totoo man ang lahat ng mga kwentong nasa loob ng librong ito ay saludo ako kay Jack Alvarez. Una, dahil sa tapang niyang harapin lahat ng mga hinarap niya sa Saudi, ultimo pagkakakulong ng ilang araw at pangalawa, dahil sa tapang niyang ihayag ang mga sensitibong parte ng buhay niya.

Para sa mga nakapagtrabaho sa Gitnang Silangan, kahit pa hindi talaga sa Saudi, basahin niyo ito. Paniguradong kahit isa sa mga dagling kwento ni Jack Alvarez ay makakarelate kayo.

At kung hindi man kayo makarelate dahil hindi niyo naranasan ang kahit isa man sa mga kwento niya, maaliw naman kayo sa pagbabasa dahil sa husay ng pagkakasulat niya ng mga isyung kinakaharap ng mga OFW na minsan ay pinipikitan na lang natin ng mata, mga isyung pabulong lang natin minsan kung pag-usapan at mga isyung minsan ay ating tinatakasan.

20170207_192921
Nag-effort ako mag flat lay mga Bes! Pansinin niyo! Nag-effort ako!!!