Ilang buwan na ang nakakaraan nung nanghamon ako ng Maldivian.
Atapang. Atao. Ako.
Hinamon ako ang kaalaman ng isang Muslim tungkol sa Qur’an.
HAHAHAHA.
Kagaya ng paghahamon ko sa isang matandang Madre tungkol sa kaniyang kaalaman sa bibliya noong ako ay grade 4 pa lang.
HAHAHAHA.
Sinabihan kasi ako nung Maldivian na iyon na ~ God created woman for man, for his desires to make man happy.
Nagpantig po ang tainga ko. Nanglisik ang mga mata ko. At muntik ng kumulot ang kilay ko.
Ang sabi ko, saang parte ng Qur’an mo nabasa iyan? Wala sa Qur’an ‘yan! Sabi ko sa hitad na lalakeng iyon.
At pinakitaan niya ako ng bersikulo ng bibliya. HAHAHA.
Hindi ko alam kung bakit pinakitaan niya ako ng bible verse samantalang hinahanapan ko siya ng verse sa Qur’an.
Sabi ko sa kaniya na oo, kailangan tumalima ng babae sa kaniyang asawa, kahit naman sa bibliya ay mayroon niyan. Pero para sabihin niyang ang babae ay ginawa para paligayahin ang lalake ay makikipagpustahan ako na mali siya. We are not objects. Sabi ko pa sa kaniya.
At bilang hindi ako nagpatalo sa debateng ito, pinagpilitan kong wala talaga sa Qur’an yung sinabi niya. Sabi ko ipakita niya ang verse bago ako maniwala kahit nagkaroon ako ng kaunting pangamba na baka nga mamaya ay mayroon. Pero with strong conviction, pinagpilitan ko na wala.
Sa sobrang pagpipilit ko ay sinabihan niya na lang ako na ‘speak to a scholar.’
Mas lalo akong natawa. HAHAHA.
Bakit ko nga pala kinukwento ito?
Bilang parte sa pagkilala sa mga kababaihan dahil ngayon ay International Women’s Day, naisip kong ibahagi ang isang halimbawa ng mga pang-araw araw naming karanasan, at kung paano kami patuloy na pakikibaka para sa pagkakaroon ng pantay-pantay na pagtingin at karapatan.
#IWD2019 #BalanceForBetter
aysabaw.com 
I’d love to hear from you!