Haters Gonna Hate

Kahit anong pilit kong maging mabuting tao ay hindi ko pa rin maiwasan makaramdam ng pagkainis sa ilang mga tao sa paligid. May mga taong sadyang nagpapakulo ng aking dugo tuwing makikita ko.

Isa na dito ang kaopisina kong pinaglihi yata sa ahas. Nung siya ay magbakasyon, marami akong natanggap na trabaho mula sa aming head office dahil sa kaopisina kong ito. Mali lahat ng mga isinumite niyang dokumento at pinaulit sa akin lahat.

Nagalit ang amo namin at sinabon agad siya nito pagkabalik na pagkabalik niya dito sa isla.

Ilang linggo matapos siyang mapagalitan dahil sa kapalpakan niya ay bigla siyang nakipag closed door meeting sa amo ko. Sinabi niyang tama daw ang pinagggagagawa niya at ako daw at ang head office ang mali.

Ginawa ko na nga ang trabahong hindi niya nagawa ng tama ay may gana pa siyang manira.

P.S. Ang pinaka-annoying pa na ginagawa niya sa opisina ay mula nung Disyembre hanggang ngayon ay kumakanta siya ng mga Christmas songs na kinanta naming nung nag Christmas Carol kami.

Ang pangalawang tao naman na nagpapakulo sa dugo ko  ay pinaglihi yata sa pwet ng manok. Daig pa niya ang manok na nanggigising sa umaga kakaputak.

Ang lalaking ito ay sadyang nakakainis at napakawalang modo. Ilang beses na niyang ginagawa na tuwing may kausap ako ay pilit siyang sumasabat. Hindi niya pa patatapusin munang magsalita ako o ang kausap ko at pag hindi kami tumigil sa pagsasalita ay mangangalabit pa para lamang pakinggan siya. Minsan pa ay nagbubulungan kami sa canteen ng kaibigan kong Chekwa na si Crystal ay pasigaw niya itong tinawag dahil napakalayo niya sa amin na akala mo naman ay napakahalaga ng sasabihin pero wala naman palang kwenta.

Bukod pa sa pagiging epal ng taong ito, wala pang control sa pagbibigay ng opinion na hindi naman hinihingi. Nung nakaraan lang y sinabihan niya ako ng ‘Tumataba ka na. Dati ay payat ka.’ Naiinis ako hindi dahil sa tumaba ako o pumayat man, pero dahil napakapakialamero niya. Sinagot ko na lamang siya ng ‘who cares.’

Madalas ay umiiwas ako sa taong ito, hindi ko siya binabati at hindi ko nga siya kinakausap pero lapit pa rin ito ng lapit at parang hindi nakakahalata, pilit pa ring sumasabat kapag ako may kausap. Ginagawa niya ang pagsabat na ito sa lahat ng tao pero parang kulang pa rin siya sa pansin at pilit niya pa ring ginugulo ang aking pananahimik.

Nakarinig pa ako minsan ng komento sa mga madalas kong kasama na may tama daw ako sa utak dahil inis na inis daw ako sa tao na wala naming ginagawa sa akin. Hindi na lang ako sumagot dahil hindi naman ako maiintindihan ng taong ito. Ang isyu dito ay ayaw kong makipagplastikan kaya ako umiiwas sa taong kinaainisan ko. Wala naming masama kung iiwas ako para hindi ako mainis. Wala naman din naming harm on both parties kung iiwas ako.

Pinipilit kong maging mabuting tao, pero hindi ako perpekto. Pinapakulo nila ang dugo ko.

Author: aysabaw

Aysa is a self-proclaimed hotelier without any culinary talent. She used to fly around Dubai for ten years via her magic carpet but destiny led her to a new path. She is now a little mermaid swimming in and around the Maldivian waters. If she is not reading her books, writing something comical, leaving rubbish comments on your posts or strumming her guitar, then she's up to some mischief.

34 thoughts on “Haters Gonna Hate”

  1. Alam ng amo mo na mali ang mga dokumentong iniwan ni bakasyonista, kaya kinailangan na itama mo. Doon sa closed door meeting, dapat ipinamukha ni amo kay bwisit na siya ang mali at ikaw ang nag-remedyo ng palpak niyang trabaho.

    Kulang yata sa moral support para sa iyo si amo.

    Liked by 1 person

    1. Actually po, alam ng amo ko ang mga tunay na pangyayari kaya niya ito sinabi sa akin matapos ang closed door meeting nila. At sinabi pa po ng amo ko na ‘he’s so full of himself’ kaya po hindi naman ako maapektuhan kahit manira pa siya. Pero hindi ko lang po maiwasang mainis mula nung malaman ko yang ginawa nya

      Like

  2. Hindi ka nag-iisa. May ka-opisina akong halos ganiyan.

    Parehong-pareho pagdating sa obnoxiousness, tapos dinagdagan pa ng pagiging “perpetually offended” pagdating sa biruan. Yung tipong lebel ng Tumblr SJW ang pagka-balat sibuyas. Kung hindi lang dahil:

    • Magaling sa German at kailangang ng German speakers sa opisina dahil parte ng trabaho
    • Nagtapos nitong taon lang sa pambansang pamantasan
    • Masaya ako sa trabaho kong kasalukuyan

    Mas malamang sa hindi – nabigyan ko siya ng kaliwa’t kanan, at humihimas na ako ng malamig na bakal,

    Liked by 2 people

      1. Sabagy, mukhang ganoon na lang muna talaga ang magagawa natin. Ipakita na lang natin na may pinagkatandaan tayo. Ika nga ng kaibigan ko: “Pare, maaapektuhan ba yung trabaho mo kung hindi mo papansinin? Kung oo, dedmahin mo na. Kung hindi pakisamahan mo na lang.”

        Pero sa kabutihang palad, hindi lang ako yung naiinis dahil sa ganoong balat-sibuyas na ugali. Kahit yung mga kasama kong matagal na, natatawa na lang sa mga karakas niya.

        Liked by 1 person

  3. Hindi naman talaga sa lahat ng oras kaya nating magpasensya at umiwas na lang, may moods naman din tayo pero sabi nga pag pinatulan mo magiging katulad ka lang rin nila. Mabait ka lang talaga Idol, swerte nila 😁😁

    Liked by 1 person

  4. Hindi naman talaga sa lahat ng oras kaya nating magpasensya at umiwas na lang, may moods naman din tayo pero sabi nga pag pinatulan mo magiging katulad ka lang rin nila. Mabait ka lang talaga Idol, swerte nila 😂

    Like

        1. Nakabakasyon kasi siya kaya sakin binagsak ang task niya….though alam ng boss ko (pinaalam ko) na ako gumawa haha magpapagulang ba ako? Nakakainis lang na sinalo ko na nga work nya nagsisinungaling at nagaattempt manira. Hmp

          Liked by 1 person

  5. Hindi natin kailangan laging maging mabait, ang mas mahalaga ay magpakatotoo. Sa totoo lang masyadong ma-effort kasi ang makipag-plastikan, kaya tama na iwasan na lang hangga’t maaari para hindi mo kailanganing magpanggap na okay ka sa isang taong nakakabwiset.

    Nakakapikong tunay ang mga tao sa kwentong ito. Kung sino ang palpak siya pa itong nagmamagaling, at ang tindi ng kamanhiran nung taong sabat nang sabat. May kalalagyan din ang mga ‘yan.

    Liked by 1 person

    1. tama ka at hindi ko nga alam kung bakit ako na yung umiiwas sa further kaguluhan ako pa yung lumalabas na hindi normal. Mali bang iwasan ang mga taong ayaw ko kausap?

      Like

  6. chill! hahaha. ako naman may kinaiinisan din.. ung supervisor sa amin. iniiwasan ko na lang din, parang di sya nage-exist ganern. kasi mahirap na, madalas ako ma-highblood sa mga banat nya kaya ayoko talaga syang kinakausap. ramdam din nyang ayoko sa kanya kaya madalas akong mapag-initan sa tuwing may chance sya (halimbawa makiki-lunchout ako may kasamang group pero ako lang sisitahin haha). maraming asar sa kanya pero ang weird kasi nakukuha nilang makipagbatian or small talk. ako hindi ko talaga kaya kahit good morning or ngumiti pag nakakasalubong sya.. deadma. poker face. ang hirap kaya makipagplastikan.

    Liked by 1 person

  7. Respect ang wala sila, at maka demand naman ng respeto wagas.

    Mag-iingat ka palagi sa mga pinaglihi sa ahas at pwet ng manok haha..natuwa ako sa pag label mo. Basta put everything as much as possible in black and white, you never know when they will strike. Hayaan mong pahiyain sila ng kapalpakan nila. Mga time-wasters, narcissists, self-proclaimed experts, self-centered! Ayan nainis na rin ako sa kanila haha

    They don’t worth a minute of your time..

    Liked by 1 person

I'd love to hear from you!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s