DIY Sharpie Mugs Ulit

Aloha!

Nung nakaraan ay nagpost ako ng tungkol sa natuklasan kong DIY  Sharpie Mugs. At dahil naka ilang trial and error na ako at nalaman ko kung bakit kumukupas eh ito magpopost na ko ulit.

Yung mga una kong gawa, kumukupas yung kulay matapos ma-bake nung mga mugs. Kaya naman pala, mali yung gamit kong Sharpie Markers (ha ha). Gamit ko ay yung mga permanent markers (yung pwede gamitin pagsulat ng report sa Manila paper) na kahit pwede siya gamitin talaga eh di nga masyadong maganda yung resulta ng kulay. Dapat pala OIL BASED Sharpie Markers ang gamitin.

Dahil dampot lang ako ng dampot ng markers, di ko napansin na may nakuha akong extra fine. Mas gusto ko kasi yung FINE lang. Ayaw ko ng EXTRA FINE, masyadong pino.

Nakakabad trip lang kasi sabi sa instructions, alugin daw yung marker bago gamitin tapos nung inalog ko yung gold na extra fine marker, ayaw niya naman sumulat. Dahil yata sa sobrang pino nung panulat. Hanggang sa nagtae na lang tuloy yung marker kakaalog. Buset.

Anyway, sayang yung gold marker ko. Ayaw na gumana kakabili ko pa lang. 23 Dirhams pati yun tapos parang gintong minimina pa ang Sharpie markers sa Dubai. Ang hirap hanapin. Sa Creative Minds Shop pa ako nakakuha, wala na atang ibang shop na nagtitinda nito sa Dubai kahit sa malalaking bookstores. Pero sa Pinas ata mas madali maghanap ng Sharpie.

Para naman talagang hindi mabura ang print/drawing sa mug, dapat ay doble ang patong nung Sharpie sa mug. Matapos idrowing o ilettering ang content sa baso, patuyuin ito at tapos patungan pa ng isang layer. Tapos ay patuyuin ng 72 hours daw….pero mukhang ubra na ang 24 hours eh bago isalang sa oven. Pero siguro mas makapit na nga talaga yung tinta pag pinatuyo ng husto.

Dapat pala nasa 220 degrees celsius ang temperatura ng oven. Ilagay na yung mga mugs sa oven bago pa ito sindihan. Pag mainit na yung oven saka pa nilagay yung baso, baka magcrack. Matapos naman ang 30 mins, patayin na yung oven at hayaang lumamig ang mga baso sa loob nito.

Kapag malamig na talaga yung mug, pwede niyo na hugasan pero dapat malambot na sponge lang ang gamitin dahil malamang pag ginamitan yan ng pang-is-is ng pwet ng kawali ay mabubura talaga yan. Di rin siya pwede isalang sa heavy duty dishwashing machine. Hanga naman ako kung may heavy duty dishwashing machine kayo sa bahay niyo. Hotel lang? he he. Joke lang po.

So ito na yung mga nagawa ko nitong nakaraan. Clap. Clap. Wala pa namang nabubura kahit nahugasan na.

Eto ang resulta kapag hindi nadoblehan ng layer yung ink at hindi napatuyo ng matagal. Medyo kumukupas.

At so far, ito ang pinakapaborito ko sa mga nagawa ko ha ha.

At dahil malapit na ang pasko, pwede na itong ipang regalo. Ganda-gandahan na lang ang packaging.

Note ulit sa mugs. Dapat ceramic at oven safe yung gagamitin niyo.