Pinakamahirap na parte para sa mga OFW na nagbabakasyon sa Pinas ay yung araw na kailangan na naman nilang mag-impake ulit at lumipad papunta sa bansa kung saan sila nagtatrabaho. Yung alam nilang kapalit ng ilang linggo nilang kasiyahang kasama ang kanilang pamilya ay ilang taon na namang pangingibang bayan.
Pag may nakikita akong umiiyak sa airport habang nagpapaalam sa pamilya nila, sinasabi ko “ay mga baguhan pa ‘yan.”
Ang yabang ko porke’t di na ko umiiyak pag nagpapaalamanan na sa airport.
Pero kahit pala inugat na ako sa ibang bansa ay tinatablan pa rin ako ng lungkot. Tinablan ako nitong nakaraan lang.
Nalungkot ako nung nakita ko yung mukha ni ermats nung nagpaalam na ako eh. Nalungkot ako nung nakita kong nalungkot siya. Nalungkot ako nung mapansin kong malaki ang itinanda niya. Nalungkot ako kasi tumanda ako at tumanda siya na magkahiwalay kami. Nalungkot ako kasi iilang beses lang kaming nagkita sa loob ng siyam na taon at mas matagal ko pa nakakasama yung mga taong hindi ko naman kaano-ano kaysa sa sarili kong pamilya.
So ayun, nung sleep mode na ang lahat sa eroplano ay saka ko na pinatulo ang pailan-ilang luhang kaytagal kong pinigilan.
Di naman ako masyadong madrama eh. Kaso pag pinigilan ang pagluha eh sobrang bigat. Kaya dapat hayaan na lang ding umagos paminsan-minsan.
*Pinipilit kong wag na isipin eh para di na malungkot. Kaso tinablan pa rin. Tinatablan pa rin.
photoshop pang watermark mo?
LikeLiked by 1 person
Hindi hehehe…di ako makahanap ng crack eh…expired na photoshop ko hahahhaha…nagdownload na lang ako ng kung ano anong pang edit haha
LikeLiked by 1 person
Nakaka-iyak naman tu! Hindi nga ako OFW niyan ha. HAHAHA. Galing!
LikeLiked by 1 person
ha. ha. ha. naiyak ka na niyan?
ako muntik na awardan sa eroplano na best drama anthology princess eh joke 😛
LikeLike
Kahit gaano na katagal ang paninirahan sa ibang bansa, masaya pa rin bumalik sa lupang sinilangan. At mabigat pa rin sa dibdib kapag panahon ng lumisan. Lalo na kapag tumatanda na ang iyong mga magulang, dahil sumasagi sa iyong isip na marahil ito na ang huli ninyong pagsasama. Hugot lang ito sa aking sariling karanasan.
LikeLiked by 1 person
totoo po. parang angdaming taon ang nasasayang natin na hindi sila kasama huhu
LikeLike
Uuwi na yan! uuwi na yan!
LikeLiked by 1 person
ha ha ha…asa.
LikeLike
ang bilis bilis mong mag react! magtrabaho ka nga. 🙂
LikeLiked by 1 person
Kaw ata jan ang pumepetix eh.
LikeLiked by 1 person
Medyo!
LikeLiked by 1 person
Sabi na eh hehe
LikeLike