Nakaraan na.
Nakalimutan na ba?
O lahat nagpapanggap. Nagbubulag-bulagan at nagbibingi-bingihan.
Kasalanang walang gustong umamin. Bagay na hindi mo na kayang ungkatin.
Pero para itong dinamitang nakabaon sa lupa. Isang maling tapak, sasabog at lahat ng maliliit na piraso ng nakaraa’y magiging alabok na lulutang sa hangin ng kasalukuyan.
Maingay. Nakaririndi. Hindi ka makapagbibingihan.
Lulutang ang lahat sa harap mo. Di ka makakapagbulag-bulagan.
Hindi ka makapagpapanggap.
Hindi mo maikakaila.
Magbabalik ang lahat at muling mong maalala.
aysabaw.com 
I’d love to hear from you!