Paano mag-sulat ng tungkol sa pag-ibig?

Paano magsusulat ng mga bagay na tungkol sa pag-ibig na hindi lalabas na kornik ang iyong obra? Paano kung kornik kang talaga, kornik ang iyong pagkatao at feeling mo hopeless romantic ka pero kornik ka naman pala talaga? Kelangan mo bang itaon ito sa araw ng mga puso para pagbigyan ka na kahit kornik ka dahil napapanahon naman? Eh paano kung gusto mong magsulat ng tungkol sa pag-ibig sa buwan ng Nobyembre? Wala na bang lusot?

Paano hindi magiging boring ang iyong kwento kung ang sarili mong lab layp ay boring din naman talaga? Paano mo bibigyan ng buhay ang isang bagay na lantang gulay? Konting dilig, konting sikat ng araw, ayos na ba yan? Hindi kaya’y kailangan pa ng konting ulan o kaya’y bagyo para masilayan ang makulay na bahaghari matapos ang pagbayo ng unos? Bahagharing parang malapit pero hindi maabot. Nagdudugtong sa lupa at sa langit, parang padulasang galing sa alapaap na muling maghahatid sa iyo sa kalupaan.

Paanong hindi magtutunog ampalaya kung dumanas ka naman talaga ng mala-apdo sa pait na karanasan sa pag-ibig? Hindi ba’t tsokolate man ay may naitatago ring pait? Paano magbabalik ang tamis sa pusong nahagupit? Paano pahuhupain ang damdaming punong-puno ng galit?

Paano ka gagawa ng obra na hindi makapanlilinlang ng mambababasa, at higit sa lahat ng iyong sarili?

Ngayon sabihin mo, paano nga ba magsulat ng tungkol sa pag-ibig? Kailangan ba ng kumpletong sangkap at pampalasa? Dapat ba’y may tamis at pait? Lungkot at saya? Init at lamig? Paano ba? Paano?

20 thoughts on “Paano mag-sulat ng tungkol sa pag-ibig?

    1. Hi Ren, I don’t know if you did not understand this because it’s written in Tagalog or you did not understand because it is confusing but thanks for liking it anyway LOL

      Like

  1. Bakit gusto mu magsulat tungkol sa pag-ibig? Ako yung mga kanta kong nasusulat puro tungkol sa pag-ibig…kasi request ni boyfriend eh…pero ang tingin ko din sa sarili kong gawa eh kornik. Haha. Pero kung iisipin ko naman, nakapadaming love songs na mas kornik pa.

    Liked by 1 person

    1. ha ha..yung totoo, oo, gusto ko ngang magsulat. sumubok na ako at ilang ulit na nabigo. di ko alam kung bakit. baka talagang hindi ko lang forte ang pagsusulat non. ha ha…maganda naman mga kanta mo eh

      Like

      1. Yung bestfriend ko din…magaling sya magsulat pero di siya makasulat about love…kaso siya, never pa talaga na-in-love kaya siguro ganun… Eh ikaw naman ata may experience naman eh. Haha.

        Like

I'd love to hear from you!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s